Wednesday, 25 November 2020

නිදහස් වෙළද කලාප සහ පොදු සේවා සේවක සංගමය ඉල්ලයි

මිනුවන්ගොඩ බ්රැන්ඩික්ස් කම්හලේ ඛේදවාචකය සේවක සේවිකාවන් නූතන වහලූන් ලෙස යොදා ගැනීම ගැන බොහෝ දේ කියන්නක් බව නිදහස් වෙළද කලාප සහ පොදු සේවා සේවක සංගමයේ ලේකම්, ඇන්ටන් මාක්ස් මහතාගේ අස්සනින් නිකුත් කළ නිවේදනයක දැක්වේ.
සැප්තැම්බර් 20 වන දින සිට පළමු වරට ඔක්තෝම්බර් 04 වන ඉරිදා පළමු සේවිකාව රෝහලේදී පී.සී.ආර්. පරීක්ෂණයට ලක් කරන තෙක් බ‍්‍රැන්ඩික්ස් සමාගම රෝග ලක්ෂණ තිබූ කිසිදු සේවකයෙකු සම්බන්ධයෙන් කිසිදු වැදගත් පියවරක් නොගත් බව ද එම නිවේදනයේ දැක්වේ.
මිනිස් ජීවිත පිළිබ`දව දක්වන මේ බරපතල නොසැළකිල්ල ඇගළුම් කර්මාන්තයේ අනෙක් කම්හල්වලද එසේම යැයිද ”ගෞරවාන්විත රැුකියා” සඳහා කිසි වැදගත්කමක් නොදෙන ඇගළුම් ක්ෂේත‍්‍රයෙහි කෝවිඞඩ්-19 වසංගතය පාලනය කිරීමේ සෞඛ්‍යාරක්ෂිත පියවර තිබිය නොහැකි බවද සංගමය වැඩිදුරටත් කියා සිටී. ඇගළුම් හා අපනයන නිෂ්පාදන ක්ෂේත‍්‍රය වරදකාර
හැගීමකින් තොර වැදගත් ක්ෂේත‍්‍රයක් බවට පත් කරන මෙන් කම්කරු දෙපාර්තමේන්තුවෙන් සංගමය ඉල්ලා සිටී.

විදෙස්ගතව සේවය කරමින් සිටි ශ්‍රී ලාංකිකයන් 2600කට අධික ප්‍රමාණයක් මේ වන විට කොවිඞ් ආසාදිතයන් වී ඇතැයි වාර්තා වේ. එම පිරිස අතරින් මරණ 67ක් ද වාර්තා වන බව ශ්‍රී ලංකා විදේශ සේවා නියුක්ති කාර්යාංශය පවසයි. සෞදි අරාබිය, කටාර්, කුවේට්, ඕමාන් ඇතුළු රටවල් 17කින් එම මරණ වාර්තා වී ඇත.

දේශීය සහල් නිෂ්පාදකයෝ පවසති

රට තුළ සහල් හිඟයක් නොමැති බවත් පසුගිය යල සහ මහ කන්න දෙකෙහි අස්වැන්නෙන් සැලකිය යුතු වී තොග පෞද්ගලික අංශයේ වී මෝල් හිමියන්ගේ ගබඩාවලත් ගොවීන් සතුවත් තිබෙන බවත් හම්බන්තොට සහල් සැකසුම් කර්මාන්තයේ නියැලෙන දේශීය ව්‍යවසායකයන් පිරිසක් ඇත්තට විශේෂ ප්‍රකාශයක් කරමින් කියා සිටියේය. ඔවුන පවසන්නේ රජය සතුවද වී තොග ගබඩා කොට තිබියදී කෘතීම සහල් හිඟයක් මවා පාමින් විශාල සහල් තොගයක් ආනයනය කරීමට රජය කටයුතු කරන බව ප්‍රකාශ කිරීම පසුගිය කාලයේ මෙන් මඩි තද කරගැනීමට කරන ක්‍රියාවක් දැයි සැක සිතෙන බවය.


තව දුරටත් ඔවුන් ප්‍රකාශ කරන්නේ වී නිෂ්පාදනය සහ සහල් සැකසුම් කර්මාන්තය පිළිබඳ නිසි අධ්‍යයනයක් කර සියලූ පාර්ශ්වයන් එක්කර ගනිමින් සහල් නිෂ්පාදනය හා බෙදා හැරීම පිළිබඳ රජය මැදිහත් විය යුතුව තිබියදී ඇතැම් ජාවාරම්කරුවන්ගේ සහ රැවටිලිකරුවන්ගේ උපදෙස් මත තීරණ ගැනීම කාලෝචිත නොවන බවයි. මහා පරිමාණ මෝල් හිමියන් කිහිපදෙනෙකුගේ ඒකාධිකාරයක් පවතින තත්ත්වය තුළ ඉල්ලූම සැපයුම පාලනය කරගත හැකිවන්නේ රාජ්‍ය මැදිහත්වීමකින් පමණක් බවද රාජ්‍ය මැදිහත් වීම යනු මිල පාලනයට ගැසට් කිරීම පමණක් නොවන බවත් කෘතීම සහල් හි`ගයක් ඇති කිරීම වළක්වාලිය හැක්කේ රාජ්‍ය අංශය විසින් තරගකාරී ලෙස වී මිලදී ගෙන සහල් සැපයුමට මැදිහත්වීමෙන් පමණක් බව දේශීය ව්‍යවසායකයන්ගේ අදහසය.

ශ්‍රී ලංකාව් 2019 විරැකියා අනුපාතය 4.8%ක් බව ජන සංඛ්‍යාලේඛව දෙපාර්තමේන්තුවේ නවතම වාර්තාවක් මගින් පෙන්වා දී ඇත.
දිස්ත‍්‍රික්ක මට්ටමින් බලන කල වැඩිම විරැකියා අනුපාතයක් ඇත්තේ මාතර දිස්ත‍්‍රික්කයේය. එය 7.5%කි. විරැකියාව වැඩි සෙසු දිස්ත‍්‍රික්ක වන්නේ මාතලේ (7.4%), හම්බන්තොට (7.3%) සහ මඩකලපුව (7.2%) ක් වශයෙනි.
විරැකියා අනුපාතය කාන්තාවන් අතර 7.4%ක් වන අතර පුරුෂයන් අතර එය 3.3%කි. 2012 වර්ෂයේදී විරැකියා අනුපාතය 4%ක මට්ටමේ පැවති අතර 2015 දී එය 4.7% දක්වා ඉහළ ගොස් තිබුණි.
එම වාර්තාවෙන් වැඩි දුරටත් පෙන්වා දෙන්නේ උපාධිධාරීන් 42,024ක්  විරැකියාවෙන් පසුවන අතර ඉන් 23,040ක් කලා උපාධිධාරීන් (54.8%) බවය.
2019 ශ්‍රම බලකාය පිළිබඳ වාර්තාව මගින් විරැකියා පුද්ගලයෙක් ලෙස හඳුන්වනු ලැබුවේ කිසිදු වැඩක නොයෙදෙන රැකියාවක් සඳහා සූදානමින් සිටින හා අවස්ථාවක් ලැබුණු සැණින් ඒ සඳහා යෙදවීමට හැකි පුද්ගලයන්ය.
විරැකියා අනුපාතය යනු රටක ආර්ථිකයේ ප්‍රධාන මිම්මකි.

පාරමී විදානපතිරණ

වම් ඉවුරේ වෙබ් නාදය