Wednesday, 25 November 2020

කිසිදු ලේඛනයක් නොමැතිව රජයේ ඉඩම්වල පදිංචිව සිටින හෝ එම ඉඩම් සංවර්ධනය කළ පුද්ගලයින්ට එම ඉඩම්වල නීත්‍යානුකූල හිමිකාරීත්වය පැවරීම සඳහා රජය විසින් 2020 සැප්තැම්බර් 10 වනදා නිකුත් කළ අංක 2192/36 දරණ ගැසට් අවලංගු කර තිබේ.

වන සංරක්ෂණ, අභයභූමි ඇතුළු රජයේ ඉඩම් අනවසරයෙන් භුක්ති විඳින්නන්ට පවරා දීම සඳහා රජය විසින් ගෙන ආ මෙම ගැසට්ටුවට පරිසරවේදීන් ඇතුළු පාර්ශ්ව
ගණනාවකගෙන් විරෝධය එල්ල වී තිබිණි. ඒ අනුව දින 12ක් තුළ එනම් සැප්තැම්බර් 22 වනදා වනවිට එම ගැසට්ටුව අහෝසි කිරීමට රජය තීරණය කර ඇති බව පෙනේ.
පසුගිය දිනවල සිදුවූ වන විනාශයන්ට ද මූලික හේතුව උක්ත ගැසට්ටුව බව විචාරක අදහස වී තිබු◊ණි.
මීට පෙරද සයින්දමර්දු නගරසභාව පිහිටුවීම වැනි ගැසට් නිවේදන කිහිපයක්ම ආපසු හැරවීමට ආණ්ඩුවට සිදු විය.

විදුනෙත් සියඹලාපිටිය

 

කුප්‍රකට බැඳුම්කර වංචාවේ ප්‍රධාන සැකකරු හිටපු මහ බැංකු අධිපති අර්ජුන මහේන්ද්‍රන් සිය නම අර්ජන් ඇලෙක්සැන්ඩර් ලෙස වෙනස් කරගෙන ඇතැයි ජාත්‍යන්තර පොලිසිය (ඉන්ටපෝල්) විසින් සීඅයිඩිය වෙත දන්වා එවා ඇතැයි වාර්තා වෙයි.

ඉන්ටපෝල් විසින් දන්වා ඇත්තේ ඔහු අත්අඩංගුවට ගැනීම සඳහා නිකුත් කර ඇති ජාත්‍යන්තර රතු වරෙන්තුවේ නම ඒ අනුව වෙනස් කරන ලෙසයි. ඒ වෙනස් කිරීම සිදු කර තිබේ. 

ඔහු විසින් සිය අලූත් නම භාවිතා කරමින් අපරාධ කටයුතු කරන්නේද යන්න පිළිබඳව  සැක මතු වී තිබේ.

 

අප්‍රේල් 7 වැනි දා වන අද දින චීනයෙන් කිසිඳු කොරෝනා වෙෙරස් රෝගී මරණයක් වාර්තා නොවුණි. පසුගිය ජනවාරි මාසයෙන් ආරම්භ වුණු කොරෝනා වසංගතයේ දී චීනයේ කිසිඳු මරණයක් වාර්තා නොවූ දිනය වන්නේ අද දිනයයි.  නමුත් අද දිනයේත් නව කොරෝනා ආසාදිතයන් 32 නකු චීනයෙන් හමු වී ඇත. මෙම සියලු දෙනා විදෙස් රටවලින් චීනය වෙත පැමිණියවුන් බව චීනය ප්‍රකාශ කර ඇත. එරට නිල වාර්තා අනුව මේ දක්වා ආසාදිතයින් 81,740ක් හමුව ඇති අතර මියගිය සංඛ්‍යාව 3,331කි.

චීනයේ තත්ත්වය එසේ වුවද අනෙකුත් රටවල තත්ත්වය තවමත් යහපත් නොවේ. අද දිනය තුළ 1,417ක් වූ වැඩිම මරණ ප්‍රමාණය වාර්තා වන්නේ ප්‍රංශයෙනි. අද වන විට එහි ආසාදිතයන් සංඛ්‍යාව 109,069කි. දිනය තුළ මරණ 1,371ක් සටහන් කර ගනිමින් ලොව වැඩිම ආසාදිත පිරිසක් වාර්තා කරන රට ඇමෙරිකාවයි. එහි ආසාදිත සංඛ්‍යාව 386,104 කි.

පසුගිය දින කිහිපය පුරා වැඩි දෙෙනිකව වැඩි මරණ සංඛ්‍යාවක් වාර්තා වූ ඉතාලියේ එම සංඛ්‍යාවෙහි යම් අඩුවීමක් දැකගත හැකිය. නමුත් අද දිනය තුළත් ඉතාලියෙන් මරණ 604ක් වාර්තා වී තිබුණි.

මේ අතර කොරෝනා තත්ත්වය  උත්සන්න වීම නිසා බ්‍රිතාන්‍ය අගමැති බොරිස් ජොන්සන් දැඩි සත්කාර ඒකකයට ඇතුළත් කර තිබේ. 

 

වම් ඉවුරේ වෙබ් නාදය