Saturday, 08 May 2021

පසුගිය 23 වන දින රැස්වූ එක්සත් ජාතික පක්ෂ කෘත්‍යාධිකාරී මණ්ඩලයේ තීන්දුවට අනුව එක්සත් ජාතික පක්ෂයේ නායකත්වය රනිල් වික්‍රමසිංහ මහතා විසින්ම තවදුරටත් දරනු ඇති බවට වාර්තා වේ.
පළමුව පක්ෂය ප්‍රතිසංවිධානගත කළ යුතු බවත්, ඉන් අනතුරුව පක්ෂයේ තනතුරු සම්බන්ධයෙන් සාකච්ජා කළ හැකි බවත් නායකයා ලෙස වික්‍රමසිංහ මහතා කෘත්‍යාධිකාරී මණ්ඩලයට දැනුම් දී ඇත.

2021 වසරේදීත් නායකත්වය තමා සතු කර ගැනීමට සමත් වීම හරහා 1994 වසරේදී එ.ජා.ප. නායකත්වයට පත්වීමෙන් පසු වික්‍රමසිංහ මහතා එක දිගට වසර 27ක් පක්ෂ නායකත්වයේ රැදී සිටිමින් වාර්තාවක් පිහිටුවා ඇත.

මහර බන්ධනාගාරයේ කැරැල්ල සමඟ මිනිස් ඝාතනය, දේපළ විනාශයට තුඩුදුන් හේතු සාධක, කොරෝනා වැළදුණු රැඳවියන් අනෙකුත් රැඳවියන් සමඟ එක් කිරීමෙන් සිදු කර ඇති අවිධිමත් කළමනාකරණය බවත්, මේ හේතු කොට ගෙන බන්ධනාගාර පද්ධතියට කොරෝනා වසංගතය ඇතුල් වූයේ කෙසේද යන්න යටපත් කරනු ලැබ ඇති බවත්, බන්ධනාගාර ආරංචි මාර්ග ඔස්සේ ඇත්තට වාර්තා වේ.

2020 මාර්තු මාසයේ සිට පුරා මාස 10ක් තිස්සේ පැතිරෙමින් තිබු කොරෝනා වසංගතය රැඳවියන් 32,000ක් රඳවා තිබෙන සිර ගෙවල්වලට පැතිරීමට හේතු වී තිබෙන්නේ අධිකරණ නියෝග මත රිමාන්ඞ් භාරයට පත් කරන නව රැඳවියන් දඬුවම් ලබන රැඳවියන්ට එක් කිරීමට පෙර අවශ්‍ය සෞඛ්‍ය ආරක්ෂිත පිළිවෙත් අනුගමනය කොට නොමැති වීම බවද වාර්තා වේ.

10,000ක් රැදවීමට ඉඩකඩ ඇති බන්ධනාගාරවල 32,000ක් තරම් විශාල සංඛ්‍යාවක් එක් කිරීමේදී ඇතිවන තදබදයට විකල්ප ඉඩකඩ සොයා නොගන්නේ ඇයිද යන ප්‍රශ්නයත් වසංගත තත්ත්වයක් හමුවේ සෞඛ්‍ය උපදෙස් පිළිබඳව ගෙන ඇති ක්‍රියා මාර්ග සම්බන්ධයෙන් ප්‍රශ්න පැන නගින බවද වැඩි දුරටත් වාර්තා වේ.

බන්ධනාගාරවල ඇති වී ඇති පහසුකම් පිළිබඳවත් පාලකයන් ඇතුලූ සියල්ලන්ම කතා කළේ අවාසනාවන්ත සිදුවීමක් හමුවේ බවත් එය සෙවීමට කොමිෂන් සභා පත් කිරීම හැර බන්ධනාගාර ප්‍රතිසංස්කරණ අමාත්‍යාංශයෙන් සිදු නොකරන්නේ බන්ධනාගාර ප්‍රතිසංස්කරණ බවත් සිවිල් සේවාවේ ඉහළ නිලධාරියෙකු ඇත්තට ප්‍රකාශ කළේය.

වම් ඉවුරේ වෙබ් නාදය